پاک بحریہ نے بحیرہ عرب میں میری ٹائم سیکیورٹی کے حالیہ واقعات کے بعد بحری جنگی جہازتعینات کردیئے۔
ترجمان پاک بحریہ کے مطابق پاک بحریہ کیجانب سے ان تجارتی گزرگاہوں کی مسلسل فضائی نگرانی بھی کی جا رہی ہے ، جنگی جہازوں کو تعینات کرنے کے علاوہ تجارتی راستوں کی حفاظت کو یقینی بنانے کےلیے مسلسل پٹرولنگ کا عمل بھی جاری ہے،پٹرولنگ کا مقصد پاکستان اور بین الاقوامی تجارتی بحری جہازوں کی حفاظت کو یقینی بنانا ہے۔
ترجمان پاک بحریہ نے واضح کیا ہے کہ جنگی جہاز بحیرہ عرب میں اپنی مستقل موجودگی کو یقینی بنانے کیلئے ہمیشہ پٹرولنگ کرتے ہیں،پاک بحریہ خطے میں بحری امن و امان برقرار رکھنے کے حوالے سے اپنی قومی ذمہ داری سے بخوبی آگاہ ہے۔
