سربراہ عوامی مسلم لیگ اور سابق وفاقی وزیر شیخ رشید احمد کو راولپنڈی کے حلقہ این اے 56 اور 57 سے الیکشن لڑنے کی اجازت مل گئی۔
جمعرات کے روز شیخ رشید احمد کی کاغذات نامزدگی مسترد کئے جانے کے خلاف اپیل پر سماعت کے دوران الیکشن ٹریبونل نے ان کی اپیل منظور کرلی۔
جسٹس مرزا وقاص رؤف نے ریٹرننگ افسر کا فیصلہ کالعدم قرار دیتے ہوئے سابق وفاقی وزیر کو این اے چھپن اور ستاون سے الیکشن میں حصہ لینے کی اجازت دے دی۔
علاوہ ازیں مسلم لیگ ضیا کے سربراہ اعجازالحق کے کاغذات نامزدگی مسترد کیے جانے کا فیصلہ بھی کالعدم قرار دے دیا گیا۔
حلقہ این اے 55 سے اعجاز الحق کے کاغذات نامزدگی مسترد کیے جانے کے خلاف اپیل پر بھی الیکشن ٹریبونل میں سماعت ہوئی جس کے دوران ٹریبونل نے ریٹرننگ افسر کا فیصلہ معطل کرتے ہوئے اعجاز الحق کو الیکشن لڑنے کی اجازت دے دی۔
الیکشن ٹریبونل نے ریمارکس دئیے معمولی باتوں پر کاغذات نامزدگی مسترد ہوتے پہلی بار دیکھ رہے ہیں۔
