منشیات کے استعمال کے ٹرائل کے درمیان 'پیراسایٹ' اسٹار لی سن کیون کی لاش گاڑی سے مل گئی۔
غیرملکی میڈیا کے مطابق 48 سالہ اداکار کی لاش دارالحکومت سیول کے علاقے میں گاڑی سے ملی جس کے بعد شبہ ظاہر کیا جارہا ہے کہ انہوں نے خودکشی کی ہے۔
رپورٹس کے مطابق اداکار سے منشیات اور دیگر دماغی سکون کے لیے استعمال ہونے والی ادویات کے حوالے سے تحقیقات جاری تھیں۔48 سالہ اداکار کو منشیات کے مبینہ استعمال کے حوالے سے اکتوبر سے تحقیقات کا سامنا تھا۔
غیرملکی میڈیا کے مطابق اس اسکینڈل کی وجہ سے اداکار کو ماضی میں ٹی وی اور کمرشل میں کام کرنے سے بھی منع کردیا گیا تھا۔
واضح رہے کہ لی سن کیون آسکر ایوارڈ یافتہ فلم ’Parasite‘ سمیت دیگر فلموں میں بھی کام کرچکے ہیں۔ ان کے اہلخانہ میں بیوی اور 2 بچے شامل ہیں۔
یاد رہے کہ جنوبی کوریا میں منشیات کے حوالے سے انتہائی سخت قوانین ہیں۔
