فیصل آباد میں ڈاکوؤں نے گاہک بن کر پیزا منگوایا، پیسے مانگنے پر ڈیلیوری بوائے کو قتل کردیا، پولیس نے مقدمہ درج کرکے ملزمان کی تلاش شروع کردی۔
فیصل آباد میں ڈاکوؤں نے دو وقت کی روٹی کی خاطر گلی گلی پھرنے والے ڈیلیوری بوائے کی جان لے لی۔
جڑانوالہ روڈ پر ڈاکوؤں نے پیزا آڈر کیا جو کاشف نامی ڈیلیوری بوائے پہنچانے گیا تو ملزمان نے پیزا چھینا اور پیسوں کا مطالبہ کرنے پر گولی مار کر نوجوان کو قتل کردیا۔
لواحقین نے آرڈر دینے والوں کا مکمل ریکارڈ نہ ہونے پر پیزا کمپنی کو ہی قتل کا ذمہ دار قرار دیدیا۔ پولیس نے واقعے کا مقدمہ درج کرکے ملزمان کی تلاش شروع کردی۔
