قومی ٹیم کے وکٹ کیپر محمد رضوان کی میلبرن میں ایک مسجد میں درس دینے کی ویڈیو سوشل میڈیا پر وائرل ہوگئی۔
محمد رضوان نے سوشل میڈیا ویب سائٹ ایکس پر میلبرن کی ایک مسجد سے اپنی ویڈیو شیئر کی، جس میں اُنہیں مسجد کے منبر پر بیٹھ کر لوگوں کو دین اسلام پر عمل کیلئے درس دیتے ہوئے دیکھا جاسکتا ہے۔
سوشل میڈیا صارفین کی جانب سے کرکٹر کی وائرل ویڈیو پر ملے جلے ردِعمل کا اظہار کیا گیا۔
Delivered a speech on the religion of "ALLAH" in the Melbourne mosque. 🕌 pic.twitter.com/B8HxLNThl0
— Muhammad Rizwan (@IamRizwanPK) December 23, 2023
کچھ صارفین دین کی تبلیغ کرنے پر ان کی تعریفیں کررہے ہیں تو کچھ اُنہیں کرکٹ کے میدان میں اپنی پرفارمنس پر دھیان دینے کا مشورہ دیتے نظر آرہے ہیں۔
یاد رہے کہ محمد رضوان کی اس سے قبل بھی درس دینے کی ویڈیوز منظر عام پر اچکی ہیں۔
