بنگلہ دیش میں ڈینگی سے مرنے والوں کی تعداد 800 سے تجاوز کر گئی ہے۔
عالمی خبررساں ادارے کے مطابق بنگلہ دیش کی وزارت صحت کے تحت ڈائریکٹوریٹ جنرل آف ہیلتھ سروسز نے ڈینگی کے بارے میں اعدادوشمار جاری کرتے ہوئے بتایا کہ رواں برس اب تک 164,562 کیسز رپورٹ ہوئے ہیں جن میں سے 800 سے زیادہ لوگ ڈینگی بخار سے ہلاک ہو چکے ہیں۔
رپورٹ کے مطابق مجموعی طور پر 804 اموات میں ستمبر میں 211، اگست میں 342 اور جولائی میں 204 اموات شامل ہیں۔ ستمبر میں اب تک ڈینگی کے 40,754 کیسز ریکارڈ
کیے گئے، اگست میں 71,976 اور جولائی میں 43,854 کیسز سامنے آئے۔
واضح رہے کہ جون سے ستمبر میں مون سون کا دورانیہ بنگلہ دیش میں ڈینگی بخار کا موسم ہے اور ڈینگی کے پھیلاو کے لحاظ سے اسے سب سے زیادہ خطرہ والا ملک سمجھا جاتا ہے۔
