لورالائی یونیورسٹی کے طلباء اور اساتذہ نے ایک دن ایف سی بلوچستان کے ساتھ گزارا۔ وفد نے صوبے میں قیام امن کیلئے ایف سی کی کاوشوں کو سراہا۔
یونیورسٹی آف لورالائی کے طلباء اور فیکلٹی ممبران نے ایف سی ہیڈکوارٹرز کا دورہ کیا۔ وفد نے یاد گار شہداء پر حاضری دی اور وطن عزیز کیلئے جانوں کا نذرانہ پیش کرنے والوں کیلئے خصوصی دعا بھی کی۔
طلبہ و طالبات نے مختلف اسٹالز پر جدید ہتھیار، آرٹلری گنز اور میڈیکل آلات دیکھے۔۔ وفد کو سامان حرب کے استعمال سے متعلق معلومات بھی فراہم کی گئیں۔ طلبہ و طالبات نے بلوچستان میں قیام امن کیلئے ایف سی کی خدمات کی خوب تعریف کی۔
طلباء و طالبات کا کہنا تھا کہ ایف سی بلوچستان کے ساتھ گزارا گیا دن بہت اچھا رہا۔ ان کے علم میں بہت اضافہ ہوا۔ طلباء نے بلوچستان میں قیام امن میں ایف سی کی کاوشوں کو سراہا۔
