یوٹیلیٹی سٹورز کارپوریشن نے ملک کے تمام آئوٹ لیٹس پر برانڈڈ گھی اور کوکنگ آئل کی قیمتوں میں خاطر خواہ کمی کا اعلان کر دیا۔
یوٹیلیٹی سٹورز کارپوریشن (یو ایس سی) کے ترجمان کے مطابق گھی کی قیمت میں17روپے کی کمی کی گئی ہے۔ گھی کا پہلا ریٹ 499 روپے سے 482 فی کلو گرام ہوئی ہے، کوکنگ آئل کی قیمت میں48 روپے فی کلو تک کی نمایاں کمی کی گئی ہے۔
یوٹیلیٹی سٹورز کارپوریشن کے ترجمان نے کہا کہ یہ نظرثانی شدہ قیمتیں ملک بھر کے تمام اسٹورز پر فوری طور پر لاگو کر دی گئی ہیں۔ کارپوریشن مختلف دیگر ضروری اشیاء کی قیمتوں میں مزید کمی کی کوشش کر رہی ہےجس کا مقصد عام لوگوں کی سہولت کو بڑھانا ہے۔
