چکوال میں سی سی ڈی اہلکار کی اندھادھند فائرنگ سے جاں بحق 9 سال کی ہانیہ کی پوسٹ مارٹم رپورٹ نے دل دہلادیئے۔
پوسٹ مارٹم رپورٹ کے مطابق ہانیہ کے جسم پر گولیوں اور زخموں کے 11 نشانات ہیں۔ گولیوں کے گہرے زخموں کے باعث شدید خون بہنے سے ہانیہ کی موت واقع ہوئی۔
رپورٹ کے مطابق شدید صدمے اور خون بہنے کے باعث دل اور پھیپھڑوں نے کام کرنا بند کردیا۔ فائرنگ سے بچی کی دائیں ران کی ہڈی بری طرح ٹوٹ گئی۔ چھاتی میں خون جمع ہوگیا۔ بچی کا جگر۔ بڑی اور چھوٹی آنت بھی شدید متاثر ہوئی۔
دوسری جانب سینئروزیر مریم اورنگزیب کا کہنا ہے کہ وزیراعلیٰ پنجاب نے چکوال واقعہ پر تحقیقاتی کمیٹی بنائی، سہیل چٹھہ اس واقعہ پر تفصیلی بیان دے چکے، وزیراعلیٰ پنجاب کو کل واقعہ کی رپورٹ پیش کی جائے گی۔
مریم اورنگزیب نے کہا کہ سہیل چٹھہ اس واقعہ پر تفصیلی پریس کانفرنس بھی کریں گے، ڈکیتی ہورہی تھی،ایکشن کے دوران بدقسمتی سے بچی کی جان گئی، مریم نواز نے واقعہ کے فوری بعد تحقیقاتی کمیٹی بنائی۔
