صدر استحکام پاکستان پارٹی عبدالعلیم خان کا کہنا ہے کہ گلگت بلتستان میں آئی پی پی نے صرف 3ماہ انتخابی مہم چلائی اور الیکشن میں 86000 ووٹ ملے۔
گلگت میں اراکین گلگت بلتستان اسمبلی کی استحکام پاکستان پارٹی میں شمولیت پر پارٹی سیکرٹریٹ میں استقبالیہ تقریب سے خطاب میں عبدالعلیم خان نے کہا کہ 4 اراکین اسمبلی کا خیر مقدم کرتے ہیں۔
عبدالعلیم خان نے کہا کہ کارکنوں کی محنت سے جی بی کے پہاڑوں پر آئی پی پی کے پرچم لہرا رہے ہیں، اب بار بار گلگت ، اسکردو ، دیگر شہروں میں کارکنوں سے ملاقاتیں ہوں گی، الیکشن میں مرکزی جنرل سیکرٹری میاں خالد محمود نے پارٹی تنظیم کے ہمراہ شاندار کام کیا۔ پارٹی قیادت نے باہمی مشاورت سے فیصلے کیے۔
صدر استحکام پاکستان پارٹی عبدالعلیم خان گلگت بلتستان میں آئی پی پی کو "گراس روٹ لیول" پر منظم کرنے کی ہدایت کردی، کہا کارکنان پہلے سے زیادہ جوش و جذبے سےانتخابی مہم کی تیاری کریں ، استحکام پاکستان پارٹی بلدیاتی انتخابات میں ہر یوسی میں امیدوار لائے گی۔
تقریب میں گلگت بلتستان سے سینئر رہنماؤں حاجی گلبر خان ، راجا جلال خان ، فتح اللہ خان سمیت دیگر نے شرکت کیں، کارکنوں نے زبردست نعرے بازی کی، پارٹی قیادت کا جوش و خروش سے استقبال کیا گیا۔ صدر آئی پی پی نے پارٹی قیادت، کارکنوں کی انتھک محنت، مخلصانہ کاوشوں کو خراج تحسین کیا۔
