بنگلہ دیش نے ہوم گراؤنڈ پر پہلی مرتبہ نیوزی لینڈ کو ٹیسٹ میچ میں شکست دے کر تاریخی رقم کرلی۔
سلہٹ میں ہفتے کے روز افتتاحی ٹیسٹ میچ میں بنگلا دیش کے خلاف 332 رنز کے ہدف کے تعاقب میں کیویز 181 رنز پر ڈھیر ہوگئی، بنگال ٹائیگرز نے سیریز کے پہلے میچ میں 150 رنز سے کامیابی حاصل کی۔
بنگلا دیش کے اسپنر تیج الاسلام نے نیوزی لینڈ کے خلاف 10 وکٹیں لیں، اسپنر تیج الاسلام نے تباہ کن بولنگ کرتے ہوئے میچ میں 10 وکٹیں حاصل کرکے بہترین کھلاڑی قرار پائے۔
میچ کے بعد بنگلہ دیش کے کپتان نجم الحسین شنٹو نے نیوزی لینڈ کے خلاف ہوم سرزمین پر پہلی ٹیسٹ میچ جیتنے کے بعد کہا کہ کھیل کے دوران ہم نتائج کا نہیں سوچتے بس ایک اچھا کھیلنے کی کوشش کرتے ہیں، ابھی بہت سفر طے کرنا ہے۔
