لاہور کے علاقے چوہنگ میں بچوں کی لڑائی میں بڑوں نے فائرنگ کردی ،جس کے نتیجے میں دو خواتین اور دو بچے زخمی ہو گئے۔
پولیس کے مطابق چوہنگ کے علاقے بھوبتیاں گاؤں میں فائرنگ کا واقعہ پیش آیا ۔ بچوں کی لڑائی کے بعد شیر علی بھٹی اور اسکے بیٹوں نے فائرنگ کی جسکے باعث چالیس سالہ رضیہ بی بی اور اڑتیس سالہ نجمہ بی بی زخمی ہو گئیں جبکہ فائرنگ کی باعث دو راہگیر بچے دس سالہ ابوبکر اور گیارہ سالہ بلال زخمی ہو گئے ۔
پولیس کا کہنا تھا کہ زخمیوں کو طبی امداد کے لیے اسپتال منتقل کردیا جبکہ متاثرہ اہلخانہ کے بیانات کی روشنی میں ملزمان کے خلاف کاروائی شروع کردی گئی ہے ۔
