راولپنڈی میں فائرنگ کے دو مختلف واقعات میں چار افراد ہلاک اور چھ زخمی ہوگئے۔ تین افراد گاؤں وریامہ میں اور ایک شخص مصریال کے علاقے میں قتل ہوا ۔
رپورٹس کے مطابق راولپنڈی کے نواحی گاؤں وریامہ میں خاندانی رنجش پر 3 افراد کے قتل اور 6 افراد کے زخمی ہونے کا معاملہ پولیس نےواقعہ میں ملوث دونوں فریقین کے 6 افراد کو تحویل میں لے لیا،
ترجمان پولیس کے مطابق واقعہ میں ملوث دیگر افراد کی گرفتاری کیلئے بھی چھاپے جاری ہیں۔گرفتار ملزمان میں ایک فریق کے عمیر اور زبیر شامل ہیں۔
ترجمان پولیس دوسرے فریق کے گرفتار افراد میں ارسلان، حسنین، عبد الحمید اور علی شان شامل ہیں،ترجمان پولیس مقتولین کی شناخت طارق، احتشام اور عامر کے نام سے ہوئی ہے۔
دوسری طرف راولپنڈی میں ہی مصریال روڈ پر فائرنگ سے ایک شخص مارا گیا۔ پولیس کے مطابق ملزمان موقع سے فرار ہو گئے ، گرفتاری کی کوششیں جاری ہیں۔
