جدہ سے غیر ملکی ائرلائن کے ذریعے کراچی پہنچنےوالےزائرین نے مقامی طور پر فراہم کردہ آب زم زم لینے سے انکار کردیا ہے ۔
تفصیلات کے مطابق مشرق وسطیٰ کی صورتحال عمرہ زائرین کوبھی متاثر کرنے لگی ہے، غیر ملکی ایئر لائن نے عمرہ زائرین کا آب زم زم ایئرپورٹ پر ہی چھوڑ دیا ، عمرہ زائرین نے کراچی ایئرپورٹ پر متبادل آب زم زم لینے سے انکار کر دیا اور احتجاج ریکارڈ کروایا ۔
عمرہ زائرین کا کہناتھا کہ ہمیں ہمارا اپنا آب زم زم دیا جائے،ایئرلائن انتظامیہ کی جانب سے دیا جانے والا آب زم زم جعلی ہے۔ ایئر پورٹ حکام نے کہا کہ آب زم زم جعلی نہیں،زائرین کو سمجھانے پر زائرین نے آب زم زم وصول کر لیا۔
