بلوچستان کے ضلع آواران میں ریموٹ کنٹرول بم دھماکے میں 4 افراد زخمی ہوگئے۔
لیویز کے مطابق آواران سے تقریباً دس کلومیٹر دور لیویز بی ایریا ترتیج میں دراسکی کے مقام پر ریموٹ کنٹرول بم دھماکا ہوا جس میں مزدا ٹرک کو نشانا بنایا گیا۔
دھماکے کے نتیجے میں ٹرک میں سوار چار افراد زخمی ہوگئے ۔
واقعے کے بعد زخمیوں کو طبی امداد فراہم کرنے کے لیے قریبی اسپتال منتقل کردیا گیا،زخمیوں میں منظور احمد ،ابوبکر عمران اورعادل شامل ہیں چاروں افراد کا تعلق سوراب سے بتایا جاتا ہے۔
لیویز حکام کے مطابق زمین میں بور کرنے والا ٹرک آواران سے گیشکور کی جانب جارہا تھا ۔ واقعے کی مزید تحقیقات جاری ہیں ۔
