اسکاٹ لینڈ کے ایک ساحل پر سیر کے دوران ایک شخص کو بوتل میں بند پیغام ملا جو ہزاروں میل دور پرنس ایڈورڈ آئی لینڈ سے بھیجا گیا تھا۔
مائیک اسکاٹ نامی شہری کے مطابق وہ تقریباً دو ہفتے قبل اپنے پالتو کتوں کے ساتھ سینٹ سائرس بیچ پر سیر کر رہے تھے کہ ان کے ایک کتے نے پانی میں ایک بوتل دیکھی۔
انہوں نے بتایا کہ بوتل کے اندر ایک خط موجود تھا جسے پانی سے محفوظ رکھنے کے لیے پلاسٹک بیگ میں بند کیا گیا تھا۔
یہ خط فرانسیسی زبان میں اگست 2024 میں تحریر کیا گیا تھا، جس میں لکھا تھا کہ بوتل کو پرنس ایڈورڈ آئی لینڈ سے آئلس ڈی لا میڈیلن کی جانب روانہ کیا گیا ہے۔
خط لکھنے والی خاتون اینی چائیسن نے پیغام میں کہا تھا کہ جسے بھی یہ بوتل ملے وہ فیس بک کے ذریعے ان سے رابطہ کرے۔
