ایران کی سب سے بڑی توانائی تنصیبات پارس گیس فیلڈ پر صیہونی حملے کے بعد جوابی کارروائی میں اسرائیل کی حیفہ آئل ریفائنری پر میزائلوں سے حملہ کیا گیا ہے۔
ایرانی پاسداران انقلاب کی جانب سے اسرائیل کے خلاف آپریشن وعدہ صادق 4 کی 65 ویں لہر میں اسرائیلی اور امریکی اہداف کو نشانہ بنایا گیا۔
پاسداران انقلاب کے مطابق اسرائیل میں اشدود اورحیفا کی آئل ریفائنریزپر حملہ کیا گیا جن میں پہلی بارملٹی وار ہیڈنصراللہ میزائل استعمال کیا گیا۔ حملوں میں خیبر شکن،عماد اور حاج قاسم میزائل بھی استعمال کیے گئے۔
شمالی شہر حیفا میں واقع آئل ریفائنری کو ایرانی میزائل حملے کا نشانہ بنایا گیا جس کی وجہ سے بجلی کی فراہمی معطل ہو گئی ہے۔ اسرائیلی وزیر توانائی ایلی کوہن کے مطابق حملے کے نتیجے میں بجلی کی فراہمی عارضی طور پر متاثر ہوئی، تاہم زیادہ تر علاقوں میں بجلی بحال کر دی گئی۔
پاسداران انقلاب کے مطابق درمیانے فاصلے کے قیام اور ذوالفقار میزائلوں سے بھی خطے میں امریکی اہداف اور مفادات کو نشانہ بنایا گیا۔
