امریکی حکام نے بحری بیڑے جیرالڈ فورڈ کو شدید نقصان پہنچنے کی تصدیق کردی۔
امریکی حکام کے مطابق شدید نقصان کے بعد بحری بیڑے کو یونانی جریزے بھیجا جارہا ہے، جیرالڈ آر فورڈ آگ سے متاثر ہوا،مرمت کیلئے وقت درکار ہے۔ آتشزدگی کے واقعے میں دو امریکی فوجی زخمی ہوئے۔
واضح رہے کہ بحری بیڑے جیرالڈ فورڈ کا شمار دنیا کے سب سے بڑے بیڑوں میں ہوتا ہے، جسے میدان جنگ سے ہٹانے کا فیصلہ کرلیا گیا ہے۔
ترجمان امریکی نیوی کا کہنا ہے کہ 12 مارچ کو یو ایس ایس جیرالڈ فورڈ میں آگ بھڑک اٹھی تھی، لانڈری ایریا میں بھڑکنے والی آگ پر قابو پانے میں 30 گھنٹے لگ گئے، آتشزدگی کے بعد بحری جہاز کی یونانی بندرگاہ پر مرمت کی جائے گی۔
نیویارک ٹائمز کے مطابق 600 ملاحوں کے بستر جل گئے، وہ ایک ہفتے سے فرش پر سورہے ہیں، مرمت کے بعد یو ایس ایس جارج ایچ ڈبلیو بش کو جلد مشرق وسطیٰ میں تعینات کیا جائے گا۔
خیال رہے کہ ایرانی پاسداران انقلاب نے یو ایس ایس جیرالڈ فورڈ پر میزائل حملے کا دعویٰ کیا تھا تاہم امریکی حکام بحری بیڑے پر ایرانی حملوں کی تردید کرتے رہے ہیں۔
