ٹھٹھہ مکلی بائی پاس کے قریب ڈمپر بے قابو ہو کر خانہ بدوشوں کے گھر پر الٹ گیا بچی سمیت 3 افراد جانبحق جبکہ ایک بچے شدید زخمی ہوگیا۔
مکلی بائی پاس کے قریب این تھری پمپ کے مقام پر ایک خوفناک حادثہ پیش آیا جہاں ایک تیز رفتار ڈمپر بے قابو ہو کر سڑک کنارے قائم خانہ بدوشوں کی جھوپڑی پر الٹ گیا۔ حادثے کے نتیجے میں جھوپڑی مکمل طور پر ملبے کا ڈھیر بن گئی اور اس میں موجود افراد ڈمپر اور ملبے تلے دب گئے۔
حادثے میں 3 افراد جاں بحق ہوگئے، ریسکیو ذرائع کے مطابق ملبے تلے مزید افراد بھی دبے ہو سکتے ہیں جس کے باعث ہلاکتوں میں اضافے کا امکان ہے۔
پولیس نے موقع پر پہنچ کر شواہد جمع کرنا شروع کر دیے ہیں جبکہ حادثے کی وجوہات جاننے کے لیے مزید تحقیقات بھی شروع کر دی گئی ہیں۔
