ایرانی ختم الانبیا سنٹرل ہیڈ کوارٹرز کے کمانڈر کیومرس حیدری کا کہنا ہے کہ ایران اپنے اہداف کے حصول تک یہ جنگ جاری رکھے گا، امریکا کو شدید ضرب لگانا ہمارا اولیں ہدف ہے۔
ایک انٹرویو میں ایرانی جنرل نے کہا کہ یہ جنگ کتنے دن جاری رہتی ہے ہمیں فرق نہیں پڑتا، ہم پہلے بھی 8 سال تک جنگ لڑنے کا تجربہ کرچکے ہیں، دشمن کو اس کے شرمناک انجام تک پہنچا کر ہی یہ جنگ بند کریں گے۔
کمانڈر کیومرس حیدری نے کہا کہ آبنائے ہرمز امریکا کی وجہ سے بند ہے، ہم نے بند نہیں کیا، ہم زمین، فضا اور سمندر میں دشمن کا مقابلہ کررہے ہیں، امریکی فوج کو پہلی بار سخت ترین جنگ سے واسطہ پڑا ہے۔
