تعلیمی اداروں میں سائبر سیکیورٹی مضبوط بنانے کا فیصلہ ہوگیا۔ نجی اسکولوں کیلئے ڈیجیٹل سیفٹی ٹریننگ لازمی قرار دیتے ہوئے اساتذہ اور طلبہ کو آن لائن کورس مکمل کرنے کی ہدایت کردی گئی۔
پیرا نے اسلام آباد کے اسکولوں کو سائبر سیکیورٹی کورس فوری طور پر شروع کرنے کا حکم جاری کردیا ہے۔ ہدایت کے مطابق اساتذہ اور نان ٹیچنگ اسٹاف کیلئے آن لائن سائبر سیکیورٹی کورس آٹھ مارچ تک مکمل کرنا لازمی ہوگا۔
نویں جماعت سے اوپر کے طلبہ کو بھی ڈیجیٹل سیفٹی کورس میں رجسٹریشن کی ہدایت کی گئی ہے تاکہ انہیں آن لائن خطرات سے نمٹنے کے حوالے سے آگاہی دی جاسکے۔
جدید اے آئی اور ڈیجیٹل خطرات سے نمٹنے کیلئے وزارت تعلیم نےکسکو کے ساتھ اشتراک کیا ہے۔ حکام کے مطابق طلبہ موسم گرما کی تعطیلات کے دوران سائبر سیکیورٹی اور ڈیجیٹل سیفٹی کورسز مکمل کرسکیں گے تاکہ محفوظ ڈیجیٹل ماحول کو فروغ دیا جاسکے۔
