ٹی ٹوینٹی ورلڈکپ کے سپر ایٹ مرحلے میں ویسٹ انڈیز نے زمبابوے کو 107 رنز سے شکست دے کر اہم کامیابی حاصل کر لی۔
ویسٹ انڈیز نے پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 254 رنز کا ورلڈکپ کی تاریخ کا دوسرا بڑا بڑا اسکور بنایا اور زمبابوے کو جیت کیلئے 255 رنز کا ہدف دیا ۔شمرون ہیٹ میئر نے جارحانہ بیٹنگ کا مظاہرہ کرتے ہوئے 34 گیندوں پر 84 رنز اسکور کیے، جبکہ رومین پاوول نے 35 گیندوں پر 59 رنز کی شاندار اننگز کھیلی۔
255 رنز کے ہدف کے تعاقب میں زمبابوے کی ٹیم 147 رنز بنا کر آؤٹ ہو گئی۔ ڈیون میئرز نے 28 اور سکندر رضا نے 27 رنز اسکور کیے۔
ویسٹ انڈیز کی جانب سے گوڈا کیش نے 4 جبکہ اکیل حسین نے 3 کھلاڑیوں کو آؤٹ کر کے ٹیم کی فتح میں اہم کردار ادا کیا۔
