لاہور کے علاقے مناواں میں ڈاکوؤں نے بالیاں نوچنے کی واردات کے دوران مزاحمت پرخاتون کو گولی مارکرزخمی کردیا، واردات کی سی سی ٹی وی فوٹیج منظرعام پر آگئی۔
پولیس کے مطابق دو ڈاکوؤں نے خاتون سے بالیاں نوچنے کی کوشش کی۔ متاثرہ خاتون کی جانب سے مزاحمت کرنے پر ملزمان نے فائرنگ کر دی، جس کے نتیجے میں خاتون زخمی ہو گئی۔
زخمی خاتون کو فوری طور پر طبی امداد کے لیے اسپتال منتقل کر دیا گیا ہے۔ اسپتال انتظامیہ کے مطابق گولی خاتون کی ٹانگ میں لگی ہے اور انہیں علاج معالجہ فراہم کیا جا رہا ہے۔
پولیس کا کہنا ہے کہ واردات کی سی سی ٹی وی فوٹیج حاصل کر لی گئی ہے اور شواہد کی مدد سے ملزمان کی تلاش جاری ہے۔
