وفاقی وزیرپارلیمانی امور طارق فضل چودھری نےکہا ہےکہ پاکستان کےخلاف سازشوں کا جال بُننے والوں کو اب واضح پیغام مل چکا ہے،یہ سرزمین کمزور نہیں بلکہ شہداء کے لہو سے مضبوط ہوئی ہے۔
وفاقی وزیرپارلیمانی امورطارق فضل چودھری نے سوشل میڈیا پرپیغام میں کہا پاک فضائیہ نے افغانستان میں فتنہ الخوارج کے ٹھکانوں پر مؤثر کارروائی کی،یہ اُن معصوم جانوں کابدلہ ہے جو دہشتگردی کی آگ میں جھونک دی گئیں،یہ صرف ایک آپریشن نہیں تھا،یہ ہراُس ماں کےآنسوؤں کاجواب تھا جس نے اپنےبیٹےکووطن پرقربان کیا،یہ ہراُس بچے کے خوابوں کادفاع تھاجوایک محفوظ پاکستان چاہتا ہے۔
طارق فضل نے مزید لکھا کوئی پاکستان کو کمزور سمجھنےکی غلطی نہ کرے،کوئی بچ نہیں پائے گا،ہم امن کے خواہاں ضرورہیں،مگراپنی سرزمین،عوام اور وقار پر سمجھوتا نہیں کرتے، جو ہماری طرف میلی آنکھ سے دیکھے گا، اسے نیست ونابودکر دیاجائےگا،یہ وطن ہماری پہچان ہے،ہماری غیرت اور ہمارا ایمان ہے،پاکستان پہلے بھی تھا، پاکستان آج بھی ہے، اور پاکستان ہمیشہ رہے گا،پاکستان سب سے پہلے۔
افغانستان طالبان کی جانب سے پاکستان میں کیئے گئے دہشتگردی کی کارروائیوں کے جواب میں پاکستان نے افغانستان میں مختلف مقامات پر دہشتگردوں کے 7ٹھکانوں کو کامیابی سے نشانہ بنایا ہے۔
ذرائع کے مطابق افغانستان کے صوبہ پکتیا ،پکتیکا، ننگر ہار او رخوست میں جیٹ طیاروں نے بمباری کی جس دوران دہشتگردوں کو بھاری نقصانات کی اطلاعات ہیں ، دہشتگردوں کے متعدد ٹھکانے ملیا میٹ کر دیئے گئے ہیں ۔
