پاکستان کی معروف اداکارہ ماہرہ خان نے ہمایوں سعید کو ان کے کیریئر کے حوالے سے ایک اہم مشورہ دیتے ہوئے کہا کہ انہیں اب روایتی رومانوی کرداروں کے بجائے منفی اور ایکشن سے بھرپور کرداروں کی طرف جانا چاہیے تاکہ ناظرین انہیں ایک نئے اور منفرد انداز میں دیکھ سکیں۔
یہ گفتگو انہوں نے اپنی آنے والی فلم آگ لگے بستی کی پروموشن کے دوران کی۔ ماہرہ خان نے کہا کہ وہ ہمایوں سعید کو کسی منفی یا ایکشن ہیرو کے کردار میں دیکھنا چاہتی ہیں، جہاں وہ اپنی صلاحیتوں کا مختلف پہلو سامنے لاسکیں۔ ان کے مطابق ہمایوں ایکشن کرداروں سے لطف اندوز بھی ہوتے ہیں۔
اسی موقع پر موجود اداکار فہد مصطفی نے بھی ایکشن کرداروں میں دلچسپی کا اظہار کیا، تاہم ان کا کہنا تھا کہ پاکستان میں فلم سازی کے لیے جدید سہولیات کی کمی ایک بڑا چیلنج ہے۔
فہد مصطفیٰ نے انکشاف کیا کہ فلم "آگ لگے بستی میں" کی شوٹنگ کے دوران ایک ایکشن سین کرتے ہوئے ان کی انگلی فریکچر بھی ہوگئی تھی۔
واضح رہے کہ ماہرہ خان اس فلم میں مرکزی کردار ادا کر رہی ہیں، جب کہ فہد مصطفیٰ نہ صرف بطور اداکار بلکہ پروڈیوسر کے طور پر بھی اس پراجیکٹ کا حصہ ہیں۔
