پاکستان تحریک انصاف نے عمران خان کے علاج سے متعلق میڈیکل رپورٹ مسترد کردی۔
ترجمان تحریک انصاف شیخ وقاص اکرم کا کہنا ہے کہ ڈاکٹرعاصم یوسف کے مطابق ان کی بانی سے ملاقات ہوئی نہ ہی بات، ڈاکٹرعاصم یوسف کے بقول انھوں نے بانی کا معائنہ کیا نہ دیکھ بھال کر سکے، وہ رپورٹ کی تصدیق یا تردید نہیں کرسکتے، تحریک انصاف اس وجہ سے میڈیکل رپورٹ کو رد کرتی ہے۔
شیخ وقاص اکرم نے کہا کہ مرضی کے ڈاکٹرز سے معائنہ کروا کر اس قسم کی رپورٹ جاری کی گئی، بانی پی ٹی آئی سے ان کے اہلخانہ اور ذاتی معالج کی ملاقات فوری کرائی جائے، بانی پی ٹی آئی کا فوری علاج اور معائنہ الشفاء انٹرنیشنل میں کروایا جائے۔
دوسری جانب سیکرٹری جنرل پی ٹی آئی سلمان اکرم راجا نے کہا ہے بانی کی آنکھ کے علاج اور رپورٹ کی تیاری میں شفافیت نہیں ہے۔ احتجاج ختم کرنے کی شرط بھی بتا دی کہا کہا بانی سے اگر فیملی کی نہیں تو صرف ذاتی معالج ڈاکٹر سلمان یوسف کی ہی ملاقات کروادی جائے، احتجاج رک جائے گا۔
