وزیراعظم شہبازشریف دو روزہ سرکاری دورے پر آسٹریا پہنچ گئے۔ اقوام متحدہ کے تحت منعقدہ خصوصی تقریب سے خطاب اور آسٹرین حکام کے ساتھ ملاقاتیں شیڈول میں شامل ہیں۔
ویانا انٹرنیشنل ایئرپورٹ پہنچنے پر وزیرِاعظم شہباز شریف کا پرتپاک استقبال کیا گیا۔ آسٹرین مسلح افواج کے دستے نے سلامی پیش کی۔ نائب وزیراعظم و وزیرخارجہ اسحاق ڈار، وزیرِاطلاعات عطا تارڑ اور عاون خصوصی طارق فاطمی بھی پاکستانی وفد کا حصہ ہیں۔
وزیراعظم شہباز شریف آسٹرین چانسلر کرسچئین اسٹاکر سے دوطرفہ ووفود کی سطح پرملاقات کریں گے۔ وزیراعظم اور آسٹرین چانسلر معروف کاروباری افراد کے اجلاس کی مشترکہ صدارت کریں گے۔
وزیرِاعظم شہبازشریف کی پاکستان آسٹریا بزنس فورم میں شرکت اور اقوام متحدہ کے تحت منعقدہ خصوصی تقریب سے خطاب دورے کا حصہ ہے۔ وزیرِاعظم انٹرنیشنل اٹامک انرجی ایجنسی کے ڈائریکٹرجنرل سے بھی ملاقات کریں گے۔
