اسلام آباد میں رمضان دستر خوان لگانے کیلئے ضلعی انتظامیہ سے رجسٹریشن لازمی کرانا ہوگی۔ شہر بھر سے اب تک مجموعی طور پر 18 درخواستیں موصول ہوئی ہیں۔
رمضان المبارک میں مختلف شاہراہوں پر دسترخوان سجائے جاتے ہیں۔ اسلام آباد میں اس بار دسترخوان لگانے کیلئے ضلعی انتظامیہ سے رجسٹریشن لازمی قرار دی گئی ہے۔ ترجمان کے مطابق رمضان دسترخوان لگانے کے خواہشمند افراد مکمل تفصیلات کے ساتھ درخواست جمع کراسکتے ہیں۔
ضلعی انتظامیہ جگہ کی نشاندہی اور سیکیورٹی سمیت دیگر سہولیات کی فراہمی یقینی بنائے گی۔ خواہشمند حضرات اپنے شناختی کوائف اورجگہ کی تفصیلات جمع کرواسکتے ہیں۔
ترجمان ضلعی انتظامیہ کے مطابق شہربھر سے مجموعی طور پر 18 درخواستیں موصول ہو چکی ہیں۔ اسسٹنٹ کمشنرز کی جانب سے جگہ کا معائنہ کرنے کے بعد اجازت نامہ جاری کیاجائےگا۔ بغیررجسٹریشن عوامی دسترخوان لگانے کی اجازت نہیں ہوگی۔
