لاہور میں بسنت کی خوشیاں ایک بار پھر حادثات کی نذر ہو گئیں۔رات بارہ بجے کے بعد پتنگ بازی کے دوران پیش آنے والے مختلف واقعات میں چھے افراد زخمی اور ایک جاں بحق ہو گیا
لاہور میں بسنت 2026 کے موقع پر پتنگ بازی کے دوران پیش آنے والے حادثات میں چھے افراد زخمی ہو گئے۔ ایک شخص جاں بحق ہوگیا،جاں بحق شخص بجلی کے کھمبے سے لٹکی پتنگ اُتارتے ہوے جان کی بازی ہار گیا،زخمیوں میں تین بچے شامل ہیں،جو اپنی خوشیوں کی قیمت زخمی ہو کر چکا بیٹھے۔
گلشن راوی کے علاقےمیں آٹھ سالہ ارحا کے گلے پر ڈور پھر گئی،جسے فوری طور پر قریبی ہسپتال منتقل کیا گیا۔راوی روڈ کے علاقے میں چھت سے گرنے کے باعث ثاقب نامی شخص زخمی ہوگیا،جبکہ لوئر مال میں پتنگ لوٹتے ہوئے بارہ سالہ عبد الواحد زخمی ہوا۔اسی طرح گلشن راوی ہی میں چودہ سالہ سلمان درخت پر چڑھ کر پتنگ اتار رہا تھا کہ نیچے گر پڑا۔رات بارہ بجے کے بعد اب تک مختلف حادثات میں مجموعی طور پر چھ افراد زخمی ہو چکے ہیں۔
