ازبکستان کے صدرشوکت مرزایوف پاکستان کے دو روزہ دورے پر اسلام آباد پہنچ گئے،معزز مہمان کے دورے میں اہم ملاقاتیں اور مخلتف شعبوں میں معاہدے ہونگے۔
ازبک صدرکا طیارہ نور خان ایئر بیس پر اترا،جہاں صدرِمملکت آصف علی زرداری اور وزیرِاعظم شہباز شریف نےانکا پرتپاک استقبال کیا،استقبالیہ تقریب میں ثقافتی لباس میں ملبوس بچوں نے مہمان صدر کو گلدستے پیش کئے۔
🇵🇰🇺🇿 A warm welcome to H.E. President Shavkat Mirziyoyev of Uzbekistan! President Asif Ali Zardari and PM @CMShehbaz received the @president_uz at Noor Khan Airbase today. This visit marks a significant step in strengthening bilateral ties and regional connectivity. pic.twitter.com/9F0o169Mm0
— The President of Pakistan (@PresOfPakistan) February 5, 2026
وفاقی وزیرِاطلاعات و نشریات عطاء اللہ تارڑ، وزیرِ اعظم کے معاونِ خصوصی ہارون اختر خان، اعلیٰ سول و عسکری حکام اور سفارتی عملے کے ارکان بھی موجود تھے۔ ازبک صدر شوکت مرزایوف دورے کے دوران وزیرِ اعظم شہباز شریف سے اہم ملاقات کریں گے۔
پاکستان اور ازبکستان کے مابین دوطرفہ تعلقات،تجارت، سرمایہ کاری، علاقائی روابط،توانائی، ٹرانسپورٹ اورباہمی تعاون کےمختلف شعبوں پرتفصیلی تبادلۂ خیال کیاجائےگا،دونوں ممالک کےدرمیان متعدد مفاہمتی یادداشتوں اورمعاہدوں پردستخط متوقع ہیں،صدرِمملکت آصف علی زرداری سے بھی ازبک صدر علیحدہ ملاقات کریں گے،جس میں خطے کی صورتحال اور باہمی دلچسپی کے امور زیرِ غور آئیں گے۔
