وزیراعلیٰ پنجاب مریم نواز کا کہنا ہے کہ سوال کرنے پروزیراعلیٰ خیبرپختونخوا نے طالبہ کو اپوزیشن سے جوڑ دیا۔
راجن پور میں الیکٹرک بس منصوبے کے افتتاحی تقریب سے خطاب کے دوران مریم نواز نے کہا کہ وزیراعلیٰ خیبرپختونخوا سے سوال ہو تو کہتے ہیں ہم نے شعور دیا، عوام اچھی تعلیم، اچھی سواری اور صحت کی سہولیات مانگتے ہیں۔ اور سہیل آفریدی جواب میں کہتے ہیں ہم نے آپ کو شعور دیا۔ کیا شعور سے پیٹ بھر سکتا ہے؟ تعلیم، ادویات، اچھی سواری اور روزگار مل سکتے ہیں؟۔
مریم نواز نے کہا کہ کہا جاتا ہے ایک وزیراعلیٰ جہازلیکرپھرتی ہے،آپ بھی لے لیں، آپ جہاز پرجاؤ گے کدھر؟ جہاز اڈیالہ نہیں جاتا۔ کہا 2 سال میں پنجاب کی قسمت بدل گئی، جعلی حکومت لوگوں کا حق اور ترقی کھاجاتی ہے، جعلی حکومت بےحس ہوتی ہے۔ جب تک عوام حکمرانوں سےسوال نہیں کریں گےحکومتیں سوئی رہیں گی۔
انہوں نے کہا کہ پسماندہ علاقوں کی ترقی ہماری ترجیح ہے، الزام لگتاہےکہ ساراکام لاہوراورسینٹرل پنجاب میں ہوتاہے، پسماندگی اب ختم ہونے کو آرہی ہے، بہترین سفری سہولتیں اب عوام کی دہلیز پر ہیں، الیکٹرک بسوں کا جال پورےصوبےمیں پھیلایا جارہاہے۔
