سندھ کے ضلع خیرپور میں قومی شاہراہ پر دو مسافر بسوں میں تصادم کے نتیجے میں 3 افراد جاں بحق جبکہ متعدد زخمی ہوگئے ہیں۔
تفصیلات کے مطابق خیرپور ببرلوء کے قریب دو مسافر کوچز میں تصادم سے دو بچوں سمیت تین افراد جاں بحق اور 30 سے زائد مسافر زخمی ہوگئے۔ لاشوں اور زخمیوں کو سول اسپتال منتقل کردیا گیا۔
دوسری جانب کوہاٹ سے کراچی جانے والے مسافر بس قاضی احمد کے قریب تیزرفتاری کے باعث الٹ گئی، جس کے نتیجے میں بچوں اور خواتین سمیت 20 سے زائد افراد زخمی ہوگئے ہیں۔
