نو مئی ریڈیو پاکستان حملے کی تحقیقات کے لیے اسپیکر کی جانب سے انکوائری کمیشن قائم کرنے کے خلاف کیس میں پشاور ہائی کورٹ نے اسپیکر خیبرپختونخوا اسمبلی کی جانب سے قائم انکوائری کمیٹی کو مزید کام سے روک دیا۔
پشاورہائی کورٹ کے جسٹس صاحبزادہ اسداللہ تحریری حکم نامہ جاری کر دیا۔ حکم نامے میں تحریر کیا گیا کہ وکیل درخواست گزار کے مطابق نو مئی 2023 کو ریڈیو پاکستان پشاور پر حملہ ہوا۔ اسپیکر صوبائی اسمبلی نے ریڈیو پاکستان حملہ کی انکوائری ک نوٹیفکیشن جاری کرتے ہوئے کمیشن بنایا۔ نوٹیفکیشن کی نہ تو کوئی قانونی حیثیت ہے اور نہ مجوزہ قانون کے تحت جاری ہوا ہے۔
درخواست کے مطابق اسپیکر کو عدالتی کارروائی میں مداخلت کا اختیارات نہیں ہے۔ دو سال سے ریڈیو پاکستان کیس انسداد دہشتگردی عدالت میں زیر سماعت ہے۔ جو کسی فورم کو عدالتی کارروائی پر اثر انداز ہونے کی اجازت نہیں دیتا۔ ریڈیو پاکستان حملہ کیس میں صوبائی اسمبلی کے ممبران نامزد ہے۔ ممبران اپنے کیس میں جج نہیں بن سکتے۔ عدالت نے اسپیکر کے پی اسمبلی کی جانب سے قائم انکوائری کمیٹی کو مزید کام سے روک دیا۔
