ڈسٹرکٹ اینڈ سیشن کورٹ اسلام آباد نے بانی پی ٹی آئی کیخلاف حقیقی آزادی مارچ کے دو مقدمات داخل دفتر کر دیئے۔
اسلام آباد کی ضلع کچہری میں بانی پی ٹی آئی کیخلاف حقیقی آزادی مارچ کے دو مقدمات کی سماعت جوڈیشل مجسٹریٹ اظہر ندیم نے کی۔ بانی پی ٹی آئی کے وکیل سردار محمد مصروف ایڈووکیٹ نے دلائل دیئے کہ 2022 کے دو مقدمات میں متعدد ملزمان بری ہوچکے ،ہماری بریت کی درخواست دو سال سے زیر سماعت ہے اور بانی پی ٹی آئی کو بھی عدالت میں پیش نہیں کیا جارہا۔
وکیل نے استدعا کی کہ عدالت ہماری بریت کی درخواست سن لے یا کیس داخل دفتر کر دے۔ عدالت نے بانی پی ٹی آئی کیخلاف دونوں کیسز داخل دفتر کردیئے، بانی پی ٹی آئی کیخلاف تھانہ کوہسار میں دو مقدمات درج ہیں۔
