ایچ بی ایل پی ایس ایل کے 11ویں ایڈیشن میں کھلاڑیوں کی کیٹیگریز کا اعلان کردیا گیا۔
89 مقامی کھلاڑی 5 مختلف کیٹیگریز میں تقسیم کردئیے گئےہیں،جبکہ پلاٹینم کیٹیگری میں 16 کھلاڑی شامل ہیں،سلمان علی آغا، حسن علی، محمد نواز اور ابرار احمد کی ڈائمنڈ سے پلاٹینم کیٹیگری میں ترقی دیدی گئی،صاحبزادہ فرحان گولڈ سے پلاٹینم کیٹیگری میں پہنچ گئے۔
بابراعظم، شاہین شاہ آفریدی،محمد رضوان،فخرزمان،صائم ایوب،نسیم شاہ،حارث رؤف اور شاداب خان پلاٹینم کیٹیگری میں برقرار ہے، 11کھلاڑی ڈائمنڈکیٹیگری میں شامل ہیں،محمد وسیم جونیئر، سفیان مقیم اور سلمان مرزا گولڈ سے ڈائمنڈ میں ترقی پا گئے،گولڈ کیٹیگری میں 32 کھلاڑی شامل ہیں
سلوراورایمرجنگ کیٹیگری میں 30 کھلاڑی ھو نگے،آکشن سے پہلے ہرفرنچائز کل 4 کھلاڑی اور فی کیٹیگری ایک کھلاڑی برقرار رکھ سکے گی۔
پی ایس ایل کا پہلا اور تاریخی پلیئرز آکشن 11 فروری کو ہوگا،غیرملکی کھلاڑیوں کی رجسٹریشن کی تاریخ 3 فروری تک بڑھا دی گئی۔
