جعلی فوجی افسربن کر شہریوں کو لوٹنے والا گروہ رنگے ہاتھوں گرفتار کرلیا گیا۔ نیشنل سائبر کرائم انویسٹی گیشن ایجنسی نے علی پور اور جتوئی میں کارروائی کرتے ہوئے دو کروڑ روپے کا آن لائن فراڈ کرنے والے دو ملزمان دھر لئے۔
ترجمان این سی سی آئی اے کے مطابق ملزم محمد قاسم اور محمد فراز واٹس ایپ کے ذریعے کروڑوں بٹورنے میں ملوث نکلے۔ ملزمان نے فوجی افسر کی جعلی شناخت استعمال کرکے دو کروڑ روپے ہتھیائے تھے۔
این سی سی آئی اے نے بین الاضلاعی گروہ کیخلاف علی پور اور جتوئی میں چھاپے مارے۔ کامیاب چھاپوں کے دوران دونوں ملزمان کو گرفتار کر لیا گیا۔
