امریکا کی 18 ریاستوں میں تباہ کن برفانی طوفان، شدید برفباری اور بارش سے 20 کروڑ سے زائد افراد متاثر ہونے کا خدشہ ہے۔
امریکا کو شدید برفانی طوفان کا سامنا ہے جس سے دو تہائی امریکی متاثر ہونے کا خدشہ ہے،ریاست ٹیکساس،اوکلاہوما، آرکنساس میں شدید برف باری ریکارڈ کی گئی،مجموعی طور پر 18 ریاستوں میں ایمرجنسی نافذ کردی گئی ہے جبکہ 9 ریاستوں میں نیشنل گارڈز کو متحرک کردیا گیا ہے
میسوری میں پھسلن کے باعث کئی بڑے ٹرک آپس میں ٹکرا گئے،نیویارک میں مہلک سردی سےتین افراد ٹھٹھر کر ہلاک ہو گئے۔امریکا بھر میں 10 ہزار سے زائد پروازیں منسوخ کردی گئی ہیں۔
ٹرمپ انتظامیہ نے وفاقی ملازمین کیلئے پیر کے روز عام تعطیل کا اعلان کردیا,ذخیرہ اندوزی کےباعث مارکیٹوں میں کھانے پینےکی اشیا کم پڑ گئیں,صدر ٹرمپ نے مقامی حکم کو ہنگامی حالات کیلئے تیار رہنے کے احکامات جاری کردیے۔
