بالائی خیبرپختونخوا اور گلگت بلتستان میں برفباری کے پیش نظر وفاقی وزیر مواصلات عبدالعلیم خان نے این ایچ اے کو قومی شاہراہیں ہر صورت کھلی رکھنے کی ہدایت کر دی۔
بالائی خیبرپختونخوا اور گلگت بلتستان میں برفباری کے پیش نظر وفاقی وزیر مواصلات عبدالعلیم خان نے نیشنل ہائی وے اتھارٹی کو اہم ہدایات جاری کی ہیں۔۔ کہا ٹریفک کی روانی برقرار رکھنا اولین ترجیح ہے، قومی شاہراہیں ہر صورت کھلی رکھی جائیں۔ اعلامیے کے مطابق وزیر مواصلات نے برفباری کے دوران این ایچ اے کے فیلڈ اسٹاف کو الرٹ رہنے اور صورتحال کی چوبیس گھنٹے مانیٹرنگ کا حکم دیا ہے۔ انہوں نے شہریوں کو مشورہ دیا کہ سڑک بند ہونے یا کسی بھی مشکل کی صورت میں فوری طور پر این ایچ اے سے رابطہ کریں۔ مسائل کے فوری حل کیلئے شہری این ایچ اے کی ہیلپ لائنز پر بھی رابطہ کر سکتے ہیں۔
