سپریم کورٹ میں وکلا کی عدم پیشی پر چیف جسٹس یحییٰ آفریدی نے شدید برہمی کا اظہار کرتے ہوئے صدر سپریم کورٹ بار ہارون الرشید کو طلب کر لیا۔ جسٹس شاہد بلال نے نشاندہی کی وکلا کی جانب سے کیسز کے التوا کی بہت زیادہ درخواستیں آ رہی ہیں۔
چیف جسٹس پاکستان نےصدر سپریم کورٹ بار سے کہا ایک طرف جلد سماعت کی درخواستیں دائر کی جاتی ہیں دوسری طرف وکلا پیش نہیں ہوتے ۔ وکلا اسلام آباد نہیں آ سکتے تو ویڈیولنک کی سہولت موجود ہے ۔ آپ بار کے ذریعے وکلا کو پابند کریں۔
صدر سپریم کورٹ بار ہارون الرشید نے تجویز دی کہ پیش نہ ہونےوالے وکلا پر جرمانہ کیا جائے ۔ اس پر چیف جسٹس یحییٰ آفریدی نے کہا پہلی دفعہ جرمانہ نہیں کرتے آپ وکلا کو پیشی یقینی بنانے کا پابند کریں ۔
