صدر مسلم لیگ (ن) نوازشریف کے نواسے اور وزیراعلیٰ پنجاب مریم نواز کے صاحبزادے جنید صفدر کی جاتی امرامیں دعوت ولیمہ میں وزیراعظم شہبازشریف، فیلڈ مارشل عاصم منیر سمیت اہم سیاسی و سماجی شخصیات نے شرکت کی۔
جنید صفدر اور شانزے علی روحیل کے ولیمہ کی تقریب جاتی امراء فارمز پر منعقد کی گئی۔ تقریب میں 800 مہمانوں کو مدعو کیاگیا۔ فیلڈ مارشل عاصم منیر نے خصوصی طور پر دعوت ولیمے میں شرکت کی۔ نواز شریف نے سید عاصم منیر کو خوش آمدید کہا۔
ولیمہ کی تقریب میں ڈپٹی وزیر اعظم اسحاق ڈار، سابق وزیر اعلیٰ پنجاب حمزہ شہباز، سینئر سیاستدان شیخ روحیل اصغر،اسپیکر قومی اسمبلی سردار ایاز صادق،اسپیکر پنجاب اسمبلی ملک محمد احمد خان، وفاقی وزیر خواجہ محمد آصف، صدر مسلم لیگ ن لاہور ملک سیف الملوک کھوکھرصوبائی وزرا، ارکان قومی وصوبائی اسمبلی اور دیگر لیگی رہنماؤں نے بڑی تعداد میں شرکت کی۔
مہمانوں کی تواضع سوپ، چکن ٹمپورہ ، دیسی مرغ، امرتسری مٹن پلاؤ،مچھلی اور دیسی گھی سے تیار گاجر کے حلوے سے کی گئی۔
