پی ٹی آئی کےرہنما اسد قیصرکا کہنا ہےخیبر پختونخوا میں حکومت کرنا آسان نہیں کیونکہ حکومت کرنے کی اجازت ہی نہیں دی جا رہی۔انہوں نے بتایا کہ صوبے کے چیف منسٹر کو اپنے لیڈرسےملاقات تک نہیں کرنےدی گئی۔جیل مینوئل کے مطابق کسی بھی قیدی کےساتھ ملاقات کےحق کی خلاف ورزی ہے۔
صوابی میں تقریب سےخطاب کرتےہوئے اسد قیصرکا کہنا تھا ظلم اور ڈھنڈے کے اس نظام کو کوئی بھی منظور نہیں کرسکتا۔ملک میں قانون و آئین کے مطابق رہنا ضروری ہے۔ اسد قیصر نے عوام کے حق رائے دہی کےحوالےسے کہا کہ عوام سے ان کے ووٹ کا حق چھینا جا رہا ہے اور ووٹ ڈالنے والے سے زیادہ ووٹ گننے والا اہمیت رکھتا ہے۔انہوں نے ہری پورمیں حالیہ ضمنی انتخابات پربات کرتےہوئے کہا ووٹ کسی اور کو پڑا اور رکن کوئی اور بن گیا۔ فارم پینتالیس کے مطابق سب کچھ درست ہے، لیکن کمپیوٹر پر بیٹھا شخص اپنی مرضی کا ڈیٹا فیڈ کر رہا ہے۔
