قومی ٹیم ورلڈکپ کے بعد اب دورہ آسٹریلیا کی تیاریاں میں جٹ گئی ہے ،راولپنڈی میں کھلاڑیوں کا ٹریننگ کیمپ شروع ہوچکا ہے جس کا پہلا روز آ ج انتہائی دلچسپ رہا ،کھلاڑیوں نے ٹریننگ کے ساتھ مزاح کا بھی بھر پور مزہ لیا اور اسی طرح کی ایک ویڈیو سوشل میڈیا صارفین کی توجہ کا مرکز بن گئی ہے ۔
تفصیلات کے مطابق ٹریننگ سیشن کے دوران بابراعظم اور سعود شکیل کے درمیان ہونے والی دلچسپ گفتگو نے صارفین کے دل موہ لیے ہیں، ویڈیو میں دیکھا جا سکتاہے کہ سعود شکیل اپنی طرف آتی ہوئی گیند کو ماہرانہ انداز میں کیچ کرتے ہیں جس پر ساتھ کھڑے بابراعظم ان سے مخاطب ہوتے ہوئے انہیں ' چھوٹا ڈان ' کہہ کر پکارتے ہیں ۔
From now on, Saud Shakeel is a chota don. Babar gave a new nickname to Saud Shakeel. 🥹😂#BabarAzam𓃵 #SaudShakeel pic.twitter.com/xcNRf8flkz
— Shaharyar Ejaz 🏏 (@SharyOfficial) November 23, 2023
چھوٹا ڈان دراصل بھارتی اداکار سلمان خان کی مشہور زمانہ فلم ' پارٹنر' کا ایک کردار ہے جسے اداکار ' راج پال یادیو ' نے انتہائی شاندار طریقے سے نبھایا جو کہ لوگوں کے دلوں میں گھر کر گیا ۔
