پاکستانی گلوکار و اداکار علی ظفر کا نیا میوزک البم ’’روشنی‘‘ ریلیز ہوتے ہی ڈیجیٹل دنیا پر چھا گیا۔ سوشل میڈیا، یوٹیوب اور اسٹریمنگ پلیٹ فارمز پر البم کو غیر معمولی پذیرائی حاصل ہو رہی ہے۔
البم کا پہلا ویڈیو سنگل ’’رکسانا‘‘ ریلیز کے فوراً بعد نمبر ون ٹرینڈ بن گیا اور چند ہی دنوں میں لاکھوں ویوز عبور کر گیا۔ دلکش دھن، سادہ مگر مؤثر ویژولز اور منفرد انداز نے گانے کو ہر طبقے میں مقبول بنا دیا ہے، جب کہ سوشل میڈیا پر یہ گانا سب سے زیادہ زیرِ بحث موضوعات میں شامل ہے۔
علی ظفر کا البم روشنی بارہ گانوں پر مشتمل ہے، جس میں محبت، رومان، خود احتسابی اور جذباتی کیفیتوں کو منفرد انداز میں پیش کیا گیا ہے۔ البم میں جدید پاپ اور سادہ مگر دل کو چھو لینے والی دھنوں کا حسین امتزاج موجود ہے۔
کینیڈا سمیت مختلف ممالک میں بھی روشنی کو موسیقی کے شائقین اور ناقدین کی جانب سے سراہا جا رہا ہے، جہاں اسے علی ظفر کے فنی ارتقا اور پاکستانی میوزک کے عالمی معیار کے قریب تر قرار دیا جا رہا ہے۔
یہ البم تمام بڑے اسٹریمنگ پلیٹ فارمز پر دستیاب ہے، جبکہ ’’رکسانا‘‘ کا آفیشل میوزک ویڈیو یوٹیوب پر کامیابی کے نئے سنگِ میل عبور کر رہا ہے۔ ماہرین کے مطابق روشنی نہ صرف علی ظفر کے کیریئر کا اہم موڑ ہے بلکہ پاکستانی موسیقی کے لیے بھی ایک مضبوط اور جدید قدم ثابت ہو رہا ہے۔
روشنی کا آڈیو لنک:
https://silentroar.ffm.to/roshni-az
رکسانا یوٹیوب پر دیکھیں:
