صدر استحکام پاکستان پارٹی اور وفاقی وزیر مواصلات عبدالعلیم خان نے لاہور میں کھوکھر پیلس میں کھوکھر برادران سے ملاقات کی اور ایم پی اے عرفان شفیع کھوکھر کے لیے فاتحہ خوانی کی۔
عبدالعلیم خان نے ممبران قومی اسمبلی سیف الملکوک کھوکھر، محمد افضل کھوکھر اور محمد شفیع کھوکھر سے تعزیت کا اظہار کرتے ہوئے مرحوم کی اچانک وفات پر گہرے دکھ اور افسوس کا اظہار کیا۔ اس موقع پر انہوں نے کہا کہ عرفان شفیع کھوکھر کی اچانک وفات کا سن کر دلی دکھ اور افسوس ہوا۔
صدر آئی پی پی نے دعا کی کہ اللہ تعالیٰ مرحوم کو جوارِ رحمت میں جگہ عطا فرمائے اور سوگوار خاندان کو صبر جمیل دے۔ عبدالعلیم خان نے صوبائی وزیر کھیل فیصل ایوب کھوکھر سے بھی اظہار افسوس کیا۔
اس موقع پر ممبر پنجاب اسمبلی اور جنرل سیکرٹری آئی پی پی پنجاب شعیب صدیقی بھی موجود تھے۔
