پاکستانی انٹیلی جنس اداروں کی کامیاب کارروائی میں داعش خراسان (ISIS-K) کو بڑا دھچکا لگا ہے۔ کارروائی کے دوران داعش کے ترجمان اور اہم دہشت گرد خارجی سلطان عزیز اعظّام کو گرفتار کر لیا گیا۔
سیکیورٹی ذرائع کے مطابق گرفتار دہشت گرد سلطان عزیز اعظّام تنظیم کے آفیشل میڈیا وِنگ الاعظائم فاؤنڈیشن کا بانی تھا۔ الاعظائم فاؤنڈیشن کو داعش خراسان کی بھرتی اور پروپیگنڈا سرگرمیوں کی مرکزی تنظیم سمجھا جاتا ہے۔
خارجی عزیزعظام کی گرفتاری کے بعد میڈیا سرگرمیاں بھی معطل ہو گئیں، حالیہ دنوں میں پاکستانی حکام نےداعش خراسان کیخلاف کئی اہم گرفتاریاں کی ہیں، گرفتاریوں میں تنظیم کےترجمان سلطان عزیزعظّام کی 16مئی 2025 کو کی گئی گرفتاری بھی شامل ہے۔
یہ بات اقوامِ متحدہ کی اینالیٹیکل سپورٹ اینڈ سینکشنز مانیٹرنگ ٹیم کی 16ویں رپورٹ میں سامنےآئی، پاکستان کی کارروائی سے داعش خراسان کے تنظیمی ڈھانچے کو عالمی سطح پر کمزور کر دیا گیا، کئی منصوبہ بند حملے ناکام بنا دیئے گئے،تنظیم کے جنگجوؤں کی تعداد میں کمی آئی ہے۔
ان کارروائیوں کےباعث ’’وائس آف خراسان‘‘جیسےاہم پراپیگنڈا پلیٹ فارمزبھی معطل ہوگئے۔
