خیبر پختونخوا کےمختلف علاقوں میں سیکیورٹی فورسزکی دو الگ الگ کارروائیوں میں بھارتی حمایت یافتہ نوخوارج کو ہلاک کردیا گیا۔
آئی ایس پی آر کےمطابق ٹانک اورلکی مروت میں خفیہ اطلاعات پرآپریشنزکیےگئے،ٹانک میں سیکیورٹی فورسز کےساتھ شدید جھڑپ میں 7 دہشت گرد جہنم واصل ہوئے، اسی نوعیت کی دوسری کارروائی لکی مروت میں کی گئی جہاں دو خوارج کومنطقی انجام تک پہنچا دیاگیا،ہلاک دہشت گرد بھارتی حمایت یافتہ تھے۔
آئی ایس پی آر کےمطابق مارے جانے والے خوارج سیکیورٹی فورسز،قانون نافذکرنے والے اداروں اوربےگناہ شہریوں کےخلاف متعددکارروائیوں میں ملوث رہے،دہشتگردوں کےخلاف کارروائیوں کے دوران بھاری مقدار میں اسلحہ اور گولہ بارود بھی برآمد ہوا،سیکیورٹی فورسز ملک سےدہشتگردی کے مکمل خاتمے کیلئے پرعزم ہیں۔
صدرمملکت نےخیبرپختونخوا میں سیکیورٹی فورسز کی کامیاب کارروائیوں پرخراج تحسین پیش کیا،کہاشہدا اور غازیوں کی قربانیوں کو سلام پیش کرتے ہیں،قوم اور فورسز کا عزم فتنے کے خاتمے تک برقرار رہے گا۔
