سنٹرل ڈائریکٹوریٹ آف نیشنل سیونگز (سی ڈی این ایس) نے رواں مالی سال یکم جولائی سے 20 نومبر تک تازہ بانڈز کی مد میں 715 ارب روپے کا ہدف حاصل کیا ہے۔
سرکاری خبررساں ایجنسی نے سنٹرل ڈائریکٹوریٹ آف نیشنل سیونگز کے ایک سینئر عہدیدار کے حوالے سے لکھا ہے کہ سی ڈی این ایس نے سالانہ ہدف کو عبور کیا اور رواں مالی سال میں تازہ بانڈز میں 1.6 ٹریلین روپے کا ہدف حاصل کیا۔
انہوں نے کہا کہ یہ پچھلے مالی سال 22 ۔ 2021 کے 1300 ارب روپے کے ہدف سے 200 ارب روپے کا اضافی سالانہ ہدف ہے۔سی ڈی این ایس نے رواں مالی سال ( 22 ۔ 2021 ) کے لیے 1.4 ٹریلین روپے کا جائزہ شدہ بچت کا ہدف مقرر کیا ہے جو ملک میں بچت کے کلچر کو فروغ دے گا۔
ملک میں مارکیٹ کے موجودہ رجحان کے پیش نظر، بچت کے کلچر کو مزید بہتر بنانے کے لیے ہدف مقرر کیا گیا تھا۔ سی ڈی این ایس میں ادارہ جاتی اصلاحات پر کام ہو رہا ہے اور نئی اصلاحات اور ایجادات متعارف کروائی جا رہی ہیں۔انہوں نے مزید کہا کہ اس وقت سی ڈی این ایس میں آٹومیٹڈ ٹیلر مشین (اے ٹی ایم) بھی متعارف کرائی گئی ہے جو صارفین کو کافی سہولیات فراہم کرے گی۔
حکام کا کہنا ہے کہ جولائی 2023میں اسلامک انویسٹمنٹ بانڈز کے ذریعے 16 ارب روپے کی سرمایہ کاری جمع کی تھی۔ انہوں نے مزید کہا کہ ڈائریکٹوریٹ نے نئے مالی سال 24 ۔ 2023 کے لیے اسلامک فنانس بانڈز کے لیے 75 ارب روپے کا ہدف مقرر کیا ہے۔
