پاکستان کیخلاف راج ناتھ کے بیان پر سکھوں نے کینیڈا میں بھارتی ہائی کمیشن کے سامنے مظاہرہ کیا۔
بھارتی وزیر دفاع راج ناتھ کے پاکستان کیخلاف بیانات پر کینیڈا کی سکھ کمیونٹی نے بھارتی ہائی کمیشن کے سامنے مظاہرہ کیا اور مودی حکومت کیخلاف نعرے بازی کی۔
مظاہرے سےخطاب کرتے ہوئے سکھ کمیونٹی کا کہنا تھاکہ پاکستان کےصوبہ سندھ سے متعلق بیان دینے کے بجائےراج ناتھ بھارت کی فکر کرے جو بہت جلد کئی ٹکڑوں میں بکھرنے والا ہے،سکھ مظاہرین نے اس موقع پر خالصتان کے نعرے بھی لگائے ۔
سکھ مظاہرین کا کہنا تھا کہ بھارتی پنجاب بہت جلد بھارت سے الگ ہوکر خالصتان کی ریاست بنے گا جہاں تمام قومیتوں کو برابر کے حقوق حاصل ہوں گے۔
