گرین ٹاؤن میں شادی پر پہننے کے لیے دیے گئے طلائی زیورات دینا خاتون کو مہنگا پڑ گیا، رشتہ دار خاتون 8 تولے سونا لے کر غائب ہوگئی۔
پولیس کے مطابق ملزمہ عمارہ کے خلاف 34 لاکھ روپے مالیت کے طلائی زیورات خرد برد کرنے کا مقدمہ درج کرلیا گیا ہے۔ متاثرہ شہری نے بیان دیا کہ ملزمہ ان کی رشتہ دار ہیں جنہیں شادی کی تقریب کے لیے زیورات دیے گئے تھے تاہم وہ واپس نہ آئیں۔
پولیس کا کہنا ہے کہ ملزمہ کی گرفتاری کے لیے کوششیں جاری ہیں اور جلد اسے گرفتار کرلیا جائے گا۔



















