ترجمان او جی ڈی سی ایل نے خوشخبری سناتے ہوئے کہا کہ ضلع حیدرآباد میں پاساکھی 14 کنویں سے تیل کی پیداوار کا آغاز ہو گیاہے، یومیہ 1100 بیرل تیل کی پیدوار حاصل ہو رہی ہے ۔
ترجمان کے مطابق پاساکھی اور پاساکھی نارتھ ڈی اینڈ پی ایل میں او جی ڈی سی کا ورکنگ انٹرسٹ 100 فیصد ہے، اوجی ڈی سی نے پاساکھی 14 کی ڈرلنگ 2183 میٹر گہرائی تک مکمل کی، کنویں میں آر ایس ایس، ایم ڈبلیو ڈی اور نائٹرائیفائیڈ مڈ سسٹم پہلی بار استعمال کیا گیا، پاساکھی 14 میں بہترین پروڈکشن ڈیلیوری کیلئےجدید ای ایس پی ٹیکنالوجی نصب کر دی گئی ہے ، کمپنی کی جانب سے ایکسپلوریشن ڈویلپمنٹ میں مسلسل سرمایہ کاری جاری ہے۔
